Церковные новости

Священный Синод утвердил молитвы о воинах, на брани сущих, раненых, плененных и без вести пропавших

Священный Синод утвердил молитвы о воинах, на брани сущих, раненых, плененных и без вести пропавших

На заседании Священного Синода 29 декабря 2022 года (журнал № 131) для домашнего чтения были утверждены тексты следующих молитв:

— ко Пресвятой Богородице о воинах, на поле брани сущих;
— матере ко Пресвятой Богородице о воине, на поле брани сущем;
— ко Господу нашему Иисусу Христу о воине, на поле брани ураненном;
— матере ко Пресвятой Богородице о исцелении воина, на поле брани ураненнаго;
— матере (сродников) ко Пресвятой Богородице о избавлении воинов (воина), в пленении сущих (сущем);
— ко святым о избавлении воинов, в пленении сущих;
— ко Пресвятой Богородице о воинах, без вести пропавших.

***

Молитва ко Пресвятей Богородице о воинах, на поле брани сущих

Пресвятая Богородице, теплая наша Заступнице и Спасение всем, призывающим Тя! Не имамы иныя помощи, разве Тебе, Владычице, Ты бо еси едина надежда и упование наше. Не презри слез наших и не отрини усердных молений, но спаси от смерти и от бед сохрани воинов наших [имярек], на поле брани сущих. Укрепи их дух, утверди в заповедех Сына Твоего, умножи в них веру, просвети ум, даждь мужество во бранех, да, непорочно исполнивше ратное служение, целы и невредимы возвратятся в домы своя и прославят пресвятое имя Отца и Сына и Святаго Духа и Твое милостивное заступление. Аминь.

Молитва матере ко Пресвятей Богородице о воине, наполе брани сущем

К кому возопию, Владычице, кому повем скорбь сердца моего, аще не Тебе, Царице Милосердая? Душа моя смятеся и уны дух мой, но скоро услыши молитву мою, веру укрепи, терпением огради и благою надеждою оживи. Пресвятая Богородице, Дево Чистая! Заступи, сохрани, покрый милостию Твоею чадо мое, воина [имярек], на поле брани сущаго, утверди его в вере истинней, огради от злобы врагов видимых и невидимых, сохрани его цела и невредима, подаждь силу ратное свое служение, яко крест, безпорочно понести и паки его в дом отчий возврати. Аминь.

Молитва ко Господу нашему Иисусу Христу о воине, на поле брани ураненном

Господи, Иисусе Христе Боже наш, молитвами Всепречистыя Владычицы нашея Богородицы и Приснодевы Марии, силою честнаго и животворящаго Креста, предстательством честных небесных Сил бесплотных, святых врачей и целителей: апостола и евангелиста Луки, святых чудотворцев и безсребренников Кира и Иоанна, Космы и Дамиана, святаго великомученика Пантелеимона и учителя его Ермолая, преподобнаго Агапита Печерского, святителя земли Крымския и исповедника Луки, исцели воина Твоего [имярек], на поле брани ранами уязвленнаго, утеши его надеждою на Тя и верою Православною укрепи. Услыши, Господи Человеколюбче, воздыхания сродник его. Да, восстав от одра болезни, послужит и поработает Тебе до скончания жизни своей и прославит Тя, исцеляющаго и врачующаго вся, со Отцем и Святым Духом. Аминь.

Молитва матере ко Пресвятей Богородице о исцелении воина, на поле брани ураненнаго

К кому возопию, Владычице? К кому прибегну в горести моей, аще не к Тебе, Царице Небесная? Кто плач мой слезный и воздыхание мое приимет, аще не Ты, Мати Божия, Заступнице и Прибежище во всех бедах нам грешным? Услыши вопль мой, Всемилосердая Целительнице, яко умножишася скорби сердца моего, и яви милость Свою на одре болезни возлежащему и раною уязвленному, чаду моему воину [имярек], исцели его тяжкия душевныя и телесныя болезни, и воздвигни от одра немощи цела и всесовершенна, да воспевает Твое теплое заступление. Аминь.

Молитва матере (сродников) ко Пресвятей Богородице о избавлении воинов, в пленении сущих

О, Всепетая Богородице, всех скорбящих Радосте и обидимых Заступнице! Услыши молитву мою, прошения моего не отрини и помилуй чадо мое (отца моего, мужа моего), воина [имярек] в пленении сущаго! Сохрани его цела и невредима, огради его от злобы пленивших его и не даждь ему убиену быти от рук их, веру истинную в нем укрепи и скоро тяжкаго пленения избави, да в разуме воспевает Тя, Царице Небесная, и Сына Твоего, Господа нашего Иисуса Христа, со Безначальным Его Отцем и Пресвятым и Благим и Животворящим Его Духом во веки веков. Аминь.

Молитва ко святым о избавлении воинов [воина], в пленении сущих [сущем]

Преблаженнии и богоноснии избранницы Христовы: многосветлая звездо, Крестителю и Предтече Спасов Иоанне; святителю предивный и милостивый, великий чудотворче Николае; святый великомучениче и скорый плененных свободителю, Победоносче Георгие; великая в женах Анастасие Узорешительнице и вси святии! Молим вас мы, недостойнии: укрепите воинов [воина] [имярек], в пленении сущих [сущаго], от уз вражиих их [его] избавите, всякаго злаго обстояния свободите и на спасения стези направите, да, в домы своя возвратившеся, прославят [дом свой возвратився, прославит] Истиннаго Бога, Отца и Сына и Святаго Духа и ваше милостивое предстательство во веки веков. Аминь.

Молитва ко Пресвятей Богородице о воинах, без вести пропавших

О, Всесвятая Владычице Богородице, Взыскание погибших, странных Питательнице и заблуждших Путеводительнице! Воина [имярек], о немже не имамы извещения покрый честным Твоим омофором, сохрани от всех напастей вражиих, избави пленения и лютыя смерти, от отчаяния огради, да с благодарением и любовию воспевает Твое теплое заступление. Аминь.



Все новости раздела


Другие новости раздела

Обращение Святейшего Патриарха Кирилла по случаю Дня матери
26.11.2023
37

Обращение Святейшего Патриарха Кирилла по случаю Дня матери

Святейший Патриарх Московский и всея Руси Кирилл выступил с обращением по случаю Дня матери.

Выступление Святейшего Патриарха Кирилла на открытии XI Общецерковного съезда по социальному служению
13.11.2023
69

Выступление Святейшего Патриарха Кирилла на открытии XI Общецерковного съезда по социальному служению

12 ноября 2023 года в Москве открылся XI Общецерковный съезд по социальному служению. К участникам Форума обратился Святейший Патриарх Московский и всея Руси Кирилл. Ваше Преосвященство! Дорогие отцы, братья и сестры! Сердечно приветствую всех участников

Популярные новости

Регент Знаменского храма приняла участие в работе Международного съезда регентов и певчих
25.10.2023
292
Новости прихода

Регент Знаменского храма приняла участие в работе Международного съезда регентов и певчих

По благословению Святейшего Патриарха Московского и всея Руси Кирилла с 16 по 18 октября в Москве прошел III Международный съезд регентов и певчих Русской Православной Церкви, в котором приняла участие регент храма Знаменского храма г. Томска ...

Социальный работник Знаменского храма приняла участие в XI Общецерковном съезде по социальному служению
19.11.2023
235
Новости прихода

Социальный работник Знаменского храма приняла участие в XI Общецерковном съезде по социальному служению

XI Общецерковный съезд по социальному служению открылся по благословению Святейшего Патриарха Кирилла 12 ноября в Москве. Он начался с Божественной литургии в Храме Христа Спасителя и пленарного заседания, которые возглавил Святейший Патриарх ...